អាមេរិក៖ ឆ្មាំឆ្នេរសមុទ្រអាមេរិកបានប្រកាសកាលពីថ្ងៃពុធថា បំណែកសាកសពមនុស្សដែលត្រូវបានគេសន្មត់ថាត្រូវបានរកឃើញនៅក្នុងបំណែកនៃនាវាមុជទឹក Titan។

យោងតាម Dailymail.com បានឱ្យដឹងថា បំណែកសាកសពមនុស្សដែលត្រូវបានគេសន្មត់ថា ត្រូវបានរកឃើញនៅក្នុងបំណែកនៃនាវាមុជទឹក Titan ដោយមន្ត្រីឆ្មាំឆ្នេរសមុទ្របាននិយាយថា ពួកគេបានរកឃើញអ្វីដែលពួកគេជឿថាជាផ្នែកខ្លះនៃសាកសពមនុស្ស ឥឡូវនេះនឹងត្រូវដឹកជញ្ជូនតាមកប៉ាល់ទៅកាន់កំពង់ផែមួយក្នុងសហរដ្ឋអាមេរិក ហើយនឹងឆ្លងកាត់ការធ្វើតេស្ត និងវិភាគ។

ផ្នែកដែលអាចកំណត់អត្តសញ្ញាណបានជាច្រើននៃកប៉ាល់ត្រូវបានលើកចូលច្រាំង ដោយគណៈកម្មាធិការស៊ើបអង្កេតដែនសមុទ្រថា ភស្តតាងដែររកឃើញនេះនឹងអាចជួយក្នុងការបំបែកសំណុំរឿងសោដនាកម្មមួយនេះ។

គួរឱ្យដឹងដែរថា នាវាមុជទឹក Titan ដែលនាំមនុស្ស ៥នាក់ក្នុងនោះមាន នាយកប្រតិបត្តិក្រុមហ៊ុន Titan លោក Stockton Rush មហាសេដី្ឋជនជាតិអង់គ្លេសលោក Hamish Harding អ្នកជំនួញជនជាតិប៉ាគីស្ថាន លោក Shahzada Dawood និងកូនប្រុសរបស់លោកម្នាក់ទៀត គឺលោក Suleman Dawood និងអ្នកជំនាញមុជទឹកបារាំង លោក Paul Henry Nargeolet ទៅទស្សនាខ្មោចកប៉ាល់ Titanic ក្នុងជម្រៅបាតសមុទ្រអាត្លង់ទិក ៣ ៨០០ម៉ែត្រ ត្រូវបានផ្ទុះដោយក្រុមអ្នកជំនាញបានរកឃើញបំណែកនៃនាវានោះ ដោយមនុស្សទាំង ៥នាក់នោះបានបាត់បង់ជីវិត៕